Obradoiro de contacontos para nais e pais no Pazo da Cultura 18:00 O Pazo da Cultura acolle de 18.00 a 20.00 horas un pequeno obradoiro no que as nais e os pais poderán aprender a contarlles contos aos seus fillos e fillas dunha maneira lúdica, didáctica e divertida. No obradoiro veranse os aspectos positivos da lectura e dos libros na casa, darase a coñecer o que a literatura actual ofrece e aprenderase a inventar historias coa finalidade de que se gocen como momentos de encontro entre as nais e os pais cos seus fillos e fillas. O obradoiro, titulado 'Contamos tod@s', estará impartido pola contadora viguesa Amalia Pérez Otero.
