LIBROS DE GALICIA 2011. Derechos Disponibles Asociación Galega de Editores

Outro anuario dos libros editados en Galicia no ano pasado.

Galician Books for Children

Preséntovos un catálogo de libros de LIX editado pola Xunta de Galicia e a Asociación Galega de Editores nos que poderedes atopar as novidades no sector editorial para nenos e xoves.

Nel tamén fan unha reseña dalgúns dos meus libros editados neste ano 2011:

ENTREVISTA NA RADIO GALEGA: COLECCIÓN ESTE É O NOSO MUNDO

E aquí tamén temos a entrevista na Radio Galega. Esta vez foi en directo, nos estudios de Vigo e para o programa A TARDE do martes 20 de decembro. Minuto 4.30

REPORTAXE NA TVG: A revista FDS (dom 8 xaneiro 2012)

Co gallo  da presentación da colección de libros ESTE É O NOSO MUNDO a tele galega veunos gravar para o programa A REVISTA FDS.

Esta é a reportaxe (minuto 2,40) que quedou moi linda, indo aos temas concretos da colección e cunha composición que me gusta moito. Salvando o cambio de nome ;)

Aquí a tendes:

Col. ESTE ES NUESTRO MUNDO /ESTE É O NOSO MUNDO

A colección "ESTE É O NOSO MUNDO", ten por obxecto achegar unha serie de orientacións teórico-prácticas sobre diferentes temáticas relacionadas co desenvolvemento integral do

alumnado de 3-8 anos para favorecer o proceso de ensinoaprendizaxe axudando ao profesorado a través dunha intervención de carácter preventivo (anticipándose a posibles dificultades), indirecta (a nivel grupal) e ordinaria (dentro do currículo e a clase.

Cada volume consta de tres partes:

MANUAL PARA O PROFESORADO

Achega a información máis importante que debe saber o docente e explica como actuar preventivamente no seu grupo-clase. Para iso, ademais da teoría, centrarase en actividades a nivel grupal para desenvolver na aula.

CADERNO DO ALUMNO/A

Centrado en tarefas concretas que se poden desenvolver no propio libro. Xiran arredor dun eixe condutor (O club dos Investigadores) de carácter lúdico e dinámico, a través do cal o alumnado a partir de centros de interese propios das etapas de 3-8 anos, irá desenvolvendo o seu proceso de ensino-aprendizaxe por descubrimento.

DVD

Programa interactivo para desenvolver no encerado dixital ou de xeito individual nos ordenadores.